Pagtabang nga makadaot

Matud sa atong Ginoo, “kinsa kadtong nakatabang ning akong mga gagmay nga ulipon, kanako usab nakatabang.” Busa dalaygon ug bulahan ang tawong nagbaton niining bulawanong hiyas o kinaiya nga matinabangon.

Apan atong matngonan nga dili tanan sa atong pagbuhat nga kita nakatabang kay aduna may makadaot nga pagtabang. Sama ning mosunod:

1) Nitabang nga dunay pabor o kondisyones sa tawong misanong sa tanyag nga supak sa kabubut-on sa gitabangan.

2. Nitabang nga mahimong mogarantiya sa pangutang sa tawo apan dihang nawa kini, ikaw ang nakalaboso sa utang nga dili imo.

3). Nitabang sa tawo nga way laing buhat kun di ang pagpangayo bisan piskay ang panglawas. Matud sa Dios, “dili pakan-on ang mga tapolan.”

4) Nitabang tungod sa hangyo nga himuon kang saksi sa dili tinuod. Sama sa pagpanumpa o pagsaksi sa kaso nga buhaton didto sa korte.

5) Nitabang pagsabotahe aron paglampos sa dautang laraw. Sama sa tulis ug uban pang sinabutan o sindikato nga di maayo ang kalihokan.

6) Nitabang aron pagpalambo sa mga palusot nga makadaot sa katilingban. Sama sa drogas ug naghitak nga tikas o sugal.

7) Nitabang sa tawo nga dugay nang nag-antos sa balatian, tungod sa kaluoy gibugtoan sa hinanaling kamatayon.

8) Labaw sa tanan, ang pagtabang sa kaugalingon kay nawad-an na sa kaluoy, nahimong hakog ug mapahimuslanon, nga nahubog sa gahom.

Usa lamang kini ka pagpamalandong alang sa atong alimpatakan.