Ang mga nanag-unang suliran karon sa mga biktima sa dakbayan sa Iligan mao ang tambal. Kini ang panahon ni kanhi Iligan Mayor Franklin Quijano uban sa pakighinabi kaniya sa “3 J’s At Your Service” sa DYLA diin kining tagsulat usa sa mga program hosts. Ang laing hosts sa maong programa mao si Jun Basadre ug Jun Talite.
Suma pa ni Quijano nga nanginahanglan sila og daghan og lainlaing matang sa tambal aron maoy mosanta sa mga sakit nga posibleng motakboy sa mga biktima sa dakong baha sa dakbayan sa Iligan.
“Ang laing bug-at nga suliran nga giatubang karon sa mga biktima mao ang pagkaon suma pa ni Quijano.
Hinuon ang Manila, Pampanga, Cebu ug ubang dapit sa nasud nagpadala na og mga hinabang ngadto sa Cagayan de Oro City, Iligan ug Negros Oriental.
Suma pa ni Quijano nga grabe gayod ang kadaot nga nahimo ang bagyong Sendong sa dakbayan sa Iligan kay daghan pa mang barangay nga nalubong sa tubig.