Sto. Niño devotion

Gihulga sa dautang panahon ang pagsaulog sa kapiyestahan sa Santo Niño de Cebu. Sa naglakaw pa ang novena-mass, hapit tanang misa, mag-uwan-uwan gyud. Gani, sa unang adlaw, bunok gyud ang uwan. Usahay, ang kahasul sa manimbahay dungagan sa tag-as nga sermon sa mga celebrant-homilists. 

Apan, kining tanan, wala maka-dampen sa spirit ug kainit sa mga devotees, ilabina sa mga dumuduong nga mituyo pag-anhi pagduaw sa imahen sa Balaang Bata sa Sugbo. Alang kanila, rain or shine ang ilang debosyon sa Santo Niño.

Alang sa uban, lisud kining sabton, ilabina niadtong dili tumotuo ug niadtong walay pagtoo. Maunsa man, taliwa sa daghang mga isyo batok sa pipila ka pari, atong makita nga nagpabiling lig-on ang Simbahan, kaylagi, misaad man si Jesus nga bisan ang ganghaan sa Impiyerno dili makahugno sa Simbahan nga Iyang gitukod.

Busa nagpabilin ang kainit sa devotion ngadto kang Sto. Niño.

* * *

Ingon sila nga na-commercialize na kono pag-ayo ang pagsaulog sa fiesta sa Sto. Niño. Mga selebrasyon nga sama niini, lisud likayan nga duna gyuy magpahimulos, aron maka-negosyo. Alang nako, di man ni ngil-ad, as long as dili nato i-substitute ang devotion to the Almighty Child Jesus to the devotion to the almighty money.

Kining tanan, alang nako, nakadugang sa ka-alegre sa selebrasyon. Sa unang mga panahon, diha ra kutob sa simbahan ang kasaulogan. It was purely a religious affair. Hangtod nga nakahunahuna si Boy Odilao, as director sa Ministry of Youth & Sports Development (MYSD) pagdala sa sinulog sa mga tindera sa kandela gawas sa patio sa simbahan ngadto na sa kadalanan.

Dinhi natawo ang Sinulog festival ug grand parade. Midaghan ang mga dumoduong, midagsa ang mga devotees, mga balikbayan, mga artista, mga politico , ug mga langyaw. Hinoon, miapil sad ang mga mangunguot ug mangingilad. Sa ato pa, kun wa pa ma-commercialize, dili ingon niini ka sadya ug kaalegre ang Pit Senyor ug Sinulog festival.  

* * *

Ato na lang huwaton ang resulta sa Impeachment proceedings ni Chief Justice Renato Corona, di na lang ta magpagawas og mga pulong, usahay hait ra ba kaayo, batok o uyon sa maong issue, kay makalawgaw lang kini sa kaso.

Reconciliation? What is there to reconcile? Dili man ni personal nga away nila ni Noynoy ug Renato. Dili sad ni away batok sa Palasyo ug sa Korte Suprema. Sa akong tan-aw, bisag di ko presidente sa kapunongan sa mga abogado, gipaagi og due process ang tanan. Busa, sa mga tambay pa: “let us to wait, aron makita ang scatter!”

And there’s no harm in waiting.