Osmeña dili ka daug ni Rama

Si Kong. Tommy Osmeña dili gayod makabuntog batok kang Cebu City Mayor Michael L. Rama kun ang duha magkasangka sa pagka-mayor karong umaabot nga piniliay. Kini ang panahom ni Punta Princesa barangay captain Jose Navarro.

Suma pa ni Navarro nga ang mga Sugbuanon nasayod sa mga pagsakripisyo ni Rama ngadto kanila nga hapit dili na lang matulog sa pagserbisyo kanila.

Nasayod sab ang mga Sugbuanon nga si Rama gikan sa dungganan nga pamilya kansang dungog wala gayod mamansahi sa pagpangawat sa salapi sa atong magbubuhis, suma pa ni Navarro.

Gikan kang Don Vicente Rama ngadto kang Osmundo ngadto kang Enrique ngadto ni Cle ug ngadto ni Eduardo.

Suma pa ni Navarro. Sa laing bahin, si Osmeña madungog nga nanghingilin og barangay captain atol sa iyang adlaw nga natawhan ug namatid og barbecue vendor.