BRGY KAWIT, MEDELLIN, CEBU
“Diri sa among barangay Sir kay ang mga tanod sige lang dawat sweldo unya way mga trabahong klaro, naa pay driver dili man motrabaho kun way ihatag nga 100 pesos labi na kun dunay importanteng mga adtuon ang sakyanan sa gobiyerno.”
BRGY DULJO-FATIMA, CEBU CITY
“Sir hangyo lang mi nimo nga ideretso na among reklamo ngadto sa kadagkuan sa kapolisan ug sa mayor mismo kay ang problema sa illegal nga drugas diri wa may pagminos mas midaghan man hinuon, sukad pa ni sa akong pagkabata.”
BRGY APAS, CEBU CITY
“Sir Jun naay part sa among barangay nga libaongon kaayo ang karsada labi na diri sa Lower Panabang kay daghan na kaayo ang nadisgrasya nga mga motor unya delikado kaayo sa mga mabdos pero among kapitan wa man magtagad.”
BRGY CAMPUTHAW, CEBU CITY
“Ang among problema diri sa among lugar sir Jun kay ang mga basura dugay kaayo kuhaon tungod sa truck nga ilang gigamit nga usa ra ka buok, daghan man untay truck nga available diri sa among barangay.”
BRGY JAGOBIAO, MANDAUE CITY
“Sir Jun among ipadangat nimo ang problema namo nga napundo diha sa atbang sa usa ka TV network kay wa man gyod maatiman ug wa gyod kuhaa, manghinaot mi sir Jun nga matan-aw ning problemaha sa mga opisyal sa barangay ug syudad.”
BRGY GUNTING, BARILI, CEBU
“Gitawag lang namo ang atensyon sa mga opisyal sa lungsod ug sa mga barangay officials mismo kay naay mga tanod diri sa among barangay nga inay magbantay mag-inom man hinoon sulod sa barangay hall bisan kun duty.”
BRGY CANSOJONG, TALISAY CITY
“Among panimay diri sa kimba sir Jun kay gisirad-an man ang agianan aning gitrabaho nga subdivision usahay mangatkat nalang mi sa kural aron lang makaagi kay wa may laing agianan.”
BRGY SAN ROQUE, CEBU CITY
“Reklamo lang mi sir Jun aning among benepisyo sa senior citizen kay mora mag naay pinalabi sa mga senior citizen, mas maayo unta molihok na ani si Dodong Casinillo aron mapatas ang pag apod-apod sa tanang benepisyo sa mga senior citizens.”
BRGY IBO, LAPULAPU CITY
“Grabe na gyod kaayo ang illegal nga panagat diri sa amo Sir labi na ang dinamita, wa gyod ko kabantay nga dunay aksyon nga gihimo ang kapolisan sa syudad sa Sugbo.”
BRGY EZPERANZA, ALOGUINSAN, CEBU
“Grabe na gyod kaguba sa among karsada kay ultimo ubos sa balay sa among kapitan wala man gyod maatiman mga problema, nanawagan mi kongresista Pablo John Garcia nga mohimo mga aksyon bahin ani nga coverage.”
BRGY ARGAWANON, SAN REMEGIO, CEBU
“Sir masulbad pa kaha ang problema namo sa sugal ug drugas kay duna man guy reklamo nga nagtumbok sa usa ka polis nga giingong nalambigit sa illegal nga kalihukan labi na diri sa sitio patag.”
BRGY BUAYA, LAPULAPU CITY
“Diri sa Zone l Saac, dakbayan sa Lapulapu naay nadakpan nga illegal nga nagpayuhot og illegal drugas.
Alang sa inyong mga reklamo text lang sa 09071678643