Paghatag kasayon pagbotar sa mga senior citizens

Sa nangaging duha o tulo ka eleksiyon, ang akong presinto diha mahimutang sa ikatulong andana sa tunghaan sa Guadalupe. Tapus sa dugay dugay’ng pangita, kay wa man nako tultolang daan kun asa ko mobotar, natultolan ra gyud … ug hangus gyud.

Mao ni ang sagad mahitabo, masinati kanatong mga senior citizens matag eleksyon. Inconvenience … maayong di na mobotar! Perhaps, sa ubang mga dapit, lagmit mas grabe pa nga kahasol ang masinati sa mga senior citizens matag eleksyon.

Apan, karong eleksyon sunod tuig, kun molihok lang ang Comelec, ug magbinuotan sa ilang trabaho, dili na nato masinati ang maong mga inconveniences sa eleksyon. Usa ka balaudnon ug lagmit mahimo kining balaud, ang gipasaka sa pipila ka Kongresista, ug naaprobahan na sa Lower House, nga maghatag kasayon pagbotar sa mga senior citizens, disabled ug mga nagsabak nga hapit na manganak (expectant mothers).

Maayo kay nakahunahuna sila niini. Ang House bill 5509, kon Polling Center Accessibility Act of 2011, gipangamahanan sa walo ka party-list nga mga Kongresista, sila si Godofredo Arquiza, Senior Citizens; Teodoro Casiño ug Neri Javier, Bayan Muna; Luzviminda Ilagan ug Emerenciana de Jesus, Gabriela; Rafael Mariano, Anak-pawis; Antonio Tinio, ACT-Teachers; ug Raymond Palatino, Kabataan.

Matud ni Arquiza nga inay nga ang mga senior citizens, disabled, ug mga expectant mothers mangadto sa tagsatagsa ka presinto, hatagan sila’g special nga lawak sa ground floor, preferably duol sa gate sa eskwelahan, o duol sa main gate sa building… paghatag kasayon pagbotar. Adunay extra nga mga ballot boxes nga magdala sa numero sa assigned polling precincts.

Midugang si Arquiza: “At the end of the voting, the counting of ballots and transmission of votes shall likewise take place in the polling precinct,” sa ato pa, tapus sa mga pagbotar, ang mga extra ballot boxes, dad-on ngadto sa mga assigned polling precincts alang sa counting of ballots.

Ang espesyal nga mga lawak, at least, maka-accommodate og dili mominos 40 ka botante at one time. Giingon dinhi: “A polling place, as defined in Section 152 of the Omnibus Election Code, is a building or place where the BEI conducts its proceedings and where the voters cast their votes.

“The Bill mandates the Commission on Elections to designate these highly accessible polling rooms for the use of PWDs, senior citizens, and pregnant women.” Ang Comelec has plenty of time, pagtuman niining maong probisyon. Batasan ra ba natong mga Pinoy unya na ta molihok sa last minute.

* * *

In the meantime, paminaw ug interact sa Senior Citizens Hour sa DyRC, 648 kHz matag Sabado, 4:00 – 6:00 pm, Tels. 4125249, 2388173.