MVIS sayop sa ilang pamaagi?
Usa kanhi ka opisyal sa Land Transportation Office (LTO) misaway sa mga pamaagi sa Motor Vehicle Inspection (MVIS) ug uban pang mga sakyanan.
Sumala pa ni Jovencio Talite, kanhi senior transportation regulation officer sa Land Transportation Office (LTO) sulod sa 32 ka tuig nga kun inspectionon na gani ang sakyanan susihon gayod kun hitsas ba kini sa mga ekipos ug dili ba kini karaan na.
Sumala pa ni Talite nga dili paigo nga ang sakyanan igo lang patungtongon og pabayron og P500 ang mga tag-iya sa sakyanan.
“Kinahanglan nga susihon sa MVIS kun road worthy ba gayod ang mga sakyanan aron kalikayan ang mga disgrasya, ” suma pa ni Talite.
Suma pa ni Talite nga kining barot nga pamaagi sa pag-panginspeksiyon sa mga sakyanan dugay na nga gipraktis sa MVIS.
“Didto sa Amerika ang dili road worthy dili gayod padaganon sa transportation officials sa Amerika,” sumala pa ni Talite nga usa sab ka US citizen.
- Latest
- Trending
