F.A.I.L

Kun makadungog ta ning maong pulonga dili tiaw ang bation natong paghigwaos. Allergy kaayo ta niini dili ba? Apan dili kini mao ang katapusan. Kay adunay nindot ug laing kahulogan ang pulong nga fail. Ug kini ang nagpasabot og: First Attempt in Learning. Nga bisan sa kapakyasan padayon gihapon kang manlimbasog aron ikaw mobangon. Mahinungdanon kaayo unta ang consistency kun pagkamakanunayon diha sa atong mga desisyon o buhat adlaw-adlaw apan latid sa tawhanong limitasyon adunay mga higayon nga anaa ang sipyat ning maong mga tawhanong binuhatan. Apan motuo gayud ako nga kun mahagba ka og kapito bangon usab og kawalo. Salamat kang Bituin nga nipahinumdom kanako nga dili ta angay mahadlok sa end (as in Effort Never Dies) ug bisan pa man kun ang uban mosingka kanato og dakong no! Apan ang no diay usa ka hagit alang sa Next Opportunity. Think positive!