Maestra: Kanus-a man matawo si baby Jesus?
Siana: December 25 Mam.
Maestra: Very good ug nganong angayan tang malipay pagkatawo ni baby Jesus?
Siana: Kay manghatag man og pinaskohan si Santa Claus. (Toink!/Aguy!)
Hehehehehehehehehehehe!
Simpleng pangutana apan lawom na alang sa inosenteng panghunahuna. Inosenteng tubag nga nahulma gikan ra usab sa mga hamtong na sa panahon.
Nganong mas sikat si Santa Claus kay sa batang Hesus panahon sa Pasko?
Kana tungod kay mas napahimug-atan sa mga nag-una sa duyan ang mugna sa hunahunang sugilanon kay sa pagkahimugso mismo sa batang Hesus.
Diha bitaw Tatay gipangutana sa bata.
Siana: Tay kinsa diay Papa ug Mama ni Baby Jesus?
Tatay: Si Jose ug si Mary.
Siana: Si Santa Claus kinsa iyang Papa ug Mama?
Tatay: Kuan….. kanang…. Morag anak na siya day sa liking kawayan. (Toink!/Ayay!)
Hehehehehehehehehehe!
Ug nganong mas sikat si Santa sa mga kabataan kay ni Baby Jesus tungod na sa pagtulon-an nga naggikan sa mga hamtong. Pagtulon-an nga inay nga moayuda sa tinud-anay nga kahulogan sa Pasko nahimo hinoong hapin sa mata sa mga inosenteng panghunahuna pag-aninaw sa tinud-anay nga gipasidunggan sa himayaong adlaw.
Pero dihay maldito nga mikompara sa Batang Hesus ug ni Santa Claus.
Bitoy: What is the similarity of Jesus and Santa?
Buloy: Unsa man Toy?
Bitoy: They were both born by the power of mind.(Toink!/Ayay!)
Si Santa maoy inspirasyon sa mga nagpaabot. Nahimong simbolo sa paghatag ug nahimong dakong pahat sa espiritu sa Pasko. Ang labing dakong problema kay nahimo siyang buhi sa hunahuna sa mga inosente.
Angay na sigurong ipasabot sa kabataan nga si Santa mugna lang sa hunahuna sa imahinasyon sa tawo nga nakahimo og mabolokong tampo sa pagsaulog sa Pasko.
Kun duna may tinuod nga Santa kana mao ang Batang Hesus nga natawo sa pasongan nga maoy tinud-anay nga gisimbolohan sa gisaulog nga kapaskohan.
Diha bitaw apohan nga gisamokan na sa bata nga nagsigi og pangutana bahin ni Santa Claus.
Siana: Lola unsa diay buhaton ni Santa kun Nov. 1 ug 2?
Lola: Ay sus! Unsa pa di mangalagkalag.(Toink!)
Siana: Kun mahal nga adlaw.
Lola: Magpenetinsiya pud.
Siana: Kun mag-summer?
Lola: Ay! Kasamok ba nimo, pareha naku magmajong pud. (Toink!/Aguy!) Hehehehehehehehehe!
Sa tinagalog pa “Kung ano ang gagawin ng mga matatanda yun din ang susundin ng mga bata”. Busa kinahanglan ang maampingon ug taas nga pasensiya pagmatoto sa kabataan aron dili masaag ang insakto nga rota sa ilang kinaadman.
* * *
(emailad:jomar_bellita@yahoo.com.)