Rudolph

Maestra: Bitoy kinsa si Rodolp sa reindeers ni Santa Claus?

Bitoy: Mao ba ni siya Mam ang dunay red-nosed?

Maestra: Yes.

Bitoy: Mao ni siya mam no ang mag-una sa sleigh ni Santa?

Maestra: Yes.

Bitoy: Sayon! siya maoy bumper. (Toink!/Aguy!)

Hehehehehehehehehe!

Si Rudolp the Red-nosed Reindeer maoy ika siyam sa mga renendahang usa sa balsahan ni Santa Claus. Nahimong kabahin sa mga mugnang sugilanon sa Pasko sugod niadtong 1939 sa libro nga sinulat ni Robert L. May nga gipublikar sa Montgomery Ward.

Ang iyang talagsaong ilong nga mogilak maoy nagsilbing suga sa balsahan ni Santa sa ilang biyahe sa tingtugnaw nga panahon.

Nganong si Rudolp maoy natripan sa Rated R sa Banat News karong adlawa tungod ni sa usa ka yanong pangutana nga gipaagi sa text nga nakatawag sa akong atensiyon.

Ang text nagkanayon “Unsa may dakong natabang ni Rudolp sa papel ni Santa Claus sa Pasko? Kung Si Santa nahimong sanglitanan sa pagpakigdait sa asang bahina sa tinud-anay nga kinabuhi si Rudolp magamit.”

Mahimong walay gibug-aton ang maong pangutana.Apan sa pikas nga bahin mahimong labaw pa ka bug-at sa kagaan sa maong pangutana ang pagtulon-an kun imong buhion sa kasingkasing ang dakong tampo sa mabulokong usa.

Dihay tinun-an gipangutana sa magtutudlo sa ngalan sa mga reindeer ni Santa.

Maestra: Mengoy isulti ang mga ngalan sa mga reindeer ni Santa Claus?

Menggoy: Si Dasher, Dancer, Prancer, Vixen, Comet, Cupid, Donner, Blitzen ug si…si……….

Maestra : Si kinsa ang ikasiyam?

Mengoy : Si Goat the Wonderful…

Maestra : Sayop….. ang ika siyam si Rudolp.

Menggoy: Kahibawo ko Mam oy, absent si Rudolp ana Mam ekstradorra ni si Goat the wonderful (Toink!?Ayay!)

Hehehehehehehehehehehehe!

Si Rudolp maoy maisip nga suga sa balsahan ni Santa. Siya maoy naghatag sa rota og kahayag aron dili masaag ug dili makadasmagdasmag. Ang iyang kahayag maoy naghatod sa kalipay sa mga binuhat nga mabisita ni Santa.

Sa tinud-anay nga kinabuhi kun dili ka si Santa nasulayan mo na ba nga mahimong Rudolp sa imong mga higala ug mahal sa kinabuhi?

Nasulayan mo na bang moagak, mogiya ug molamdag sa hunahuna sa imong isigkaingon nga daw napagngan na sa paglaum?

Kun nahimong simbolo sa pagpaambit si Santa si Rudolp naghulagway sa gasa sa kaakohan paghatod sa kalipay sa bulahang hingtungdan.

Estoryaheeeeeeeeeeeeeeee!

* * *

 (emailad:[email protected])