Dakbayan sa Sugbo musamot sa katahom

Matahom na ang dakbayan sa Sugbo. Apan ang katahom niini mosamot gayod dili madugay gumikan sa beautification project nga gilusad karon ni Cebu City Mayor Michael L. Rama.

Ang unang gibuhat ni Rama sa pagpatahom sa mga kadalanan sa dakbayan sa Sugbo mao ang pag-aspalto og pagsemento sa hilit nga mga kadalanan sa dakbayan sa Sugbo. Unya gisunod dayon sa pagtagad ni Rama ang pag-renovate sa mga parks and playgrounds.

Unya ang ikatulo nga gibuhat ni Rama mao ang pagpatahom sa Osmeña blvd. Nga iya nang gisugdan pinaagi sa pagpamutang og mga bricks sa mga sidewalks. Makapaabot kita nga daghan na unyang lokal ug langyaw turista ang modugok sa dakbayan sa Sugbo sa diha nga matapos na ang beautification projects ni Rama alang sa pagpatahom ning “Rayna nga dakbayan sa Habagatan.”

Ang Plaza Independencia nga bag-o lang nahuman gidugok na sa lokal ug langyaw mga turista matahom na kaayo. Laing plaza nga hapit na mahuman mao ang plaza Humabon duol sa Cebu Cathedral.