Sa dihang si Budoy giingnan sa mga Mañego nga sila nidawat kaniya si Budoy ang mipakita og usa ka nindot nga reaksiyon. Nalipay siya kay lagi mas nidaghan man kuno ang magmahal kaniya. Nikatawa siya, nitingsi, ug sa tinud-anay iyang gipakita ang iyang tinuod nga pagbati niadtong mahinungdanong panghitabo sa iyang kinabuhi.
Kini usab ang tawag alang kanatong tanan. Mahinungdanon kaayo nga taliwala sa kakomplikado sa kinabuhi, aduna gihapon kita’y rason nga magsaulog sa kinabuhi. Ang mga sama ni Budoy nga simple og panginahanglan ug simpleng kalipay ang makatudlo kanato kun unsa diay ang tinud-anay nga yawi sa kalipay. Be happy, be Budoy!