Kun imong lantawon ang kahimtang sa atong kanhing presidente sa nasud GMA makaingon kita nga kalooy.
Gipaninglan siya sa iyang lawas pinaagi sa usa ka seryosong sakit ug gipaninglan pud siya sa katawhan base sa iyang pagdumala isip presidente sa atong nasud sulod sa daghang katuigan.
Pagdumala nga pagpangabuso kay ang tanang gilabay nga issue batok kaniya duol sa tinuod bisag ang katawhan dako ang pagtuo nga adunay pagpangabuso nga nahitabo panahon sa iyang administrasyon.
Kadtong minilyon nga kaon sa gawas uban sa iyang mga gabinete ug ang labaw sa tanan kanang electoral sabotage diin giguyod ang iyang ngalan.
Kanang electoral sabotage probaron pa sa korte pero ang kaon nila sa gawsas uban sa iyang mga suod nga higala ug gabinete sintensyado na siya sa katawhan labi na ang mga igsoon natong mga kabos nga hapit wala nay makaon.
Maayo unta nga ang ilang gibayad kaugalingon nilang kwarta! kwarta nga gikan sa magbubuhis. Ang maong kantidad daghan nang tambal ang mapalit ato aron kapahimuslan sa katawhang naglisod pagpatambal sa iyang gihambin nga sakit.
Kining nahitabo pa Gloria unta kapanaminan sa uban pa natong mga lider nga kun molingkod na sa iyang puwesto mawala na ang iyang delikadesa o kaulaw, unta mosantop sa ilang hunahuna nga gibutang sila diha sa katawhan aron sa pagserbisyo dili magpaserbisyo sa katawhan.
Kasagaran raba sa atong mga lider karon magpabaga na sa ilang mga nawong nindot kaayo og sakyanan apan ang tinuod ang kwarta nga gibayad gikan sa kurapsyon.
Maayo unta kun sakyanan ra apil pa ang balay ug mga negosyo dili na nila igsapayan nga sila na dato pinaagi sa pagpangawat ug gipakaon nila ang ilang pamilya sa kinawat nga grasyang gikan sa pubreng magbubuhis.