Pagpamalandong alang sa Malangkubong Kaayohan

Malisud nga pangutana

Si Sabeniano nangutana kang Macaria:

Sabeniano: Mac, pananglit duna kay tulo na lang ka buok ngipon unsa may imong gusto? Magtapad o magkatag?

Macaria: ????????

Si Macaria na sab ang nangutan:

Macaria: Sab, kun ikaw akong patyon kanus-a nimo gusto karon o ugma?

Sabeniano: ??????????!

Ang kinabuhi usa ka dakong tigmo diin daghan kanato ang wala mohatag og igong panahon aron kini sulbaron. Ang uban nga wala makasulbad ang naabtan na lang sa pagkalaghang sa mga ngipon sa pagpunay’g supsop sa lollipop sa pagkawala’y buot. Samtang ang uban buot na lang mamatay ug mopatay kay gilaayan na’g hunahuna sa balighot sa kinabuhi.

Ang kinabuhi usa ka dakong duwa sa entablado sa pakiglambigit. Kita ang mga kaugalingong aktor ug mga aktres ingon man mga tagsulat sa atong sugilanon sa nagkadaiyang posibling tema ug panapos. Mahimong malipayon o masulob-on.

Hinuon kinahanglan lang gyud nga atong pilion ang bisan unsa nga makahatag nato og katagbawan bisan pa man kun kini nagpasabot og: “You and me against the World.” Si Edgar Allan Poe ang nisugyot: “Dicebant mihi sodales, si sepulchrum amicae visitarem, curas meas aliquamtulum fore levetas.” (Ang akong mga kaubanan nagkanayon nga tingali akong mahupay ang akong kapaitan diha sa pagduaw sa lubong sa akong hinigugma). Kinutlo sa sugilanon: Brenice ni Edgar Allan Poe.