Kanunay sa madjongan

BRGY POBLACION, BOLJOON, CEBU

“Kusog kaayo ang masiao ug swertres diri sa among lugar pero wa man dakpa sa mga polis nga unta klaro naman kaayo ang illegal nga sugal, gani ilado man kaayo nang financier dri sa maong sugal pero wa man gyod dakpa.”

BRGY MATAB-ANG, TOLEDO CITY

“Sir naghitak naman ang shabu diri sa among barangay labi na sa sityo Maraat dugay na kaayo nga panahon pero wa may aksyon ang mga polis diri, makaduda kaayo kun nganong mga polis way pakabana.”

BRGY PITOGO, CONSOLACION, CEBU

“Palihog mi’g hangyo sa mga polis Sir nga himuan og aksyon ang naghitak nga hantak ug tigbakay diha sa sityo Laray kay tungod sa sugal mikusog na sab ang kinawatay sa among lugar.”

BRGY KAMAGAYAN, CEBU CITY

“Diha sa dalan P. del Rosario ug Don Pedro Cui duol gyod sa barangay hall naa dakong lungag o drainage delikado kaayo nga mabwasot ang mga tawo nga moagi naa jud tunga sa karsada, syaro man sab og wa kakita ang among mga opisyal sa barangay.”

BRGY AGUS, LAPULAPU CITY

“Sir Jun ang basura diri mura naman og dumpsite sa kadaghan nga maoy hinungdan sa grabeng baho nga among nasinati, wa man guy budget ang barangay nga gihatag gikan sa syudad aron unta maatiman ning among basura.”

BRGY BUAYA, LAPULAPU CITY

“Naunsa man diri sa Saac merkado nga daghan man gihapon ang mag-parking nga motor bisag gibutangan nag no parking sign sa lugar misamot na hinoon kasamok pero among mga opisyal way aksyon.”

BRGY CABATBATAN, SAN FERNANDO, CEBU

“Among karsada pwerteng gubaa libog kaayo mi kun asa ang budget alang sa among road maintainance kay mura mag wa nay pag-asa nga makaangkon mig maayong agianan nga dugay na namong gipangandoy.”

BRGY ILAYA, DUMANJUG, CEBU

“Naunsa naman ning among babaye nga konsehal diri sa among barangay nga imbes motrabaho alang sa kaayohan sa among lugar tua naman hinuon kanunay ang iyang nawong sa madjongan unya klaro pa gyod kaayo ang iyang gihimo.”

BRGY PARDO, CEBU CITY

“Gud day Sir, naay namaligyag shabu diri sa Tabucanal nga wa man gyod dakpa nga unta ilado kaayo ni diri nga pusher, among nahibaw-an Sir nga polis daw ang amo ani nga pusher mao wa gyod dakpa.”

BRGY CUBACUB, MANDAUE CITY

“Diri sa Flores Compound Sir kay naay silingan namo nga taguan man ang mga garbage bin mao nga problema kaayo mi labi na kun tigkolekta na kay ang basura naa na sa basketbolan magpundok.”

BRGY CAYANG, BOGO, CEBU

“Naa mi plumber diri sa barangay nga kun dunay magpaestalar og tubo mahal man kaayo iyang pangayoon nga bayad nga unta naa man siya’y sweldo gikan mismo sa among barangay.”

BRGY OPAO, MANDAUE CITY

“Sa sityo Uling kasagaran sa mga balay diri wala gyu’y kaugalingon nga comfort room hinungdan nga naa lang intawon sa kanal magpagawas sa ilang hugaw, maayo unta makatabang namo ang among mga opisyal nga makaangkon mig c.r diri.”

BRGY PAYPAY, DAAN BANTAYAN, CEBU

“Wala gyod hangtod karon katuman ang among kapitan sa barangay sa iyang mga saad kaniadto labi na ang gisaad niyang mga proyekto wa gyoy natuman.”

* * *

Alang sa inyong mga reklamo text lang sa 09071678643