Ang edad walay labut sa gugma

Giingon nga “age does not matter.” Namatud-an kini sa duha ka senior citizen sa Maine, USA, kinsa tapus, sa kasal, miingon nga “love knows no limit.” Sa ato pa, samtang mo-retire kita sa pagtrabaho, dili mo-follow nga mo-retire usab ang atong kasingkasing. 

Ang magtiayon, sila si Paul Walker, 88 ang edad, samtang ang bride, si Ann Thayer, 87, exited kaayo, so much so nga pag-ingon gyud sa nagkasal kanila nga “you may kiss the bride,” katulo gyud sila mag-kissing. 

“I don’t think I’ve seen a bride and a groom kiss three times,” nagkanayon si Sheri Nadell, ang administrator sa Marshwood Rehabilitation Center, diin si Walker nagpa-rehabilitate. Sagad mahitabo, tapus sa seremonyas, mo-kiss dayon ang groom sa bride, apan kausa ra. Apan niining mga senior citizen, katulo gyud. 

Ang duha, matud dinhi, had been dating for 17 years. Sa ato pa, dugay na silang nagkauyab. Nahibong ang ilang mga daughters ug sons in law nganong dugay silang nagpakasal. Naglaraw ang duha nga mag-honeymoon ngadto sa world-famous vacation resort sa Bermuda.

Kahinumdom ko sa mga health tips alang kanatong mga senior citizens nga nagkanayon: “Your mind is not and would not get old … keep developing them.” Mao ni nahitabo nila ni Walker ug Thayer … mo-90 na ang mga edad, apan, wala sila manumbaling sa ilang mga edad, ug nagpabiling lagsik ang ilang mga panghunahuna ug mga pangandoy.

Giingon usab nga “your sense of humor is not over … keep enjoying it. Your strength is not gone … keep using it. Your opportunities haven’t vanished … keep pursuing it. God is not dead … keep seeking Him.” Mao ni ang gihimo nila ni Walker ug Thayer … hangtud nga misangpot sa ilang kaminyoon.

Nahinumdom sad ko sa giingon nga “Growing old is mandatory … but growing up is optional. We make a living by what we get … we make life by what we give.” So, samtang di kapugngan ang katigulangon … apan nia ra nato kun magpakatigulang gyud ta.

Mao nga maayo gyud nga magpasakop sa mga kapunongan sa senior citizens, unya, mag-aktibo gyud … aron dili matay-an, dili malumotan, ug dili maka-develop og molds ang atong utok.

Samtang sa laing bahin, sa hearing sa national budget, usa sa nahisgutan mao ang 1.7 billion pesos nga gahin alang sa vaccines ug mga kalihokan sa mga senior citizens sa tibuok nasud. Nabalaka si Senador Vic Sotto kun ang maong kantidad madapat ba gayud ug kapahimuslan ba gayud sa intended beneficiaries: ang mga senior citizens. Tiaw moy P1.7! Lagmit nagtuman lang ang Department of Health sa mando sa balaud.

Ang Sec. 4, (f) sa RA 9994 nagkanayon: “ The DOH shall administer free vaccination against the influenza virus and pneumococcal disease for indigent senior patients.” Kun maaprobahan man, hinaut nga mapatuman ang tanan, ug idapat gayud sa panginahanglan sa mga senior citizens.