Igso: Palit na kamo, Elektrikpan dunay factory defect pero barato kaayo.
Bitoy: Tagpila ma na igso?
Igso: Naay 50 pero dili motuyok og dili hapakon.
Bitoy: Walay ta’g 10 diha?
Igso: Aw naa.
Bitoy: Mao nay barato unsaon man na.
Igsoo: Dili motuyok og dili tayhopon.
Bitoy: Iho!(Toink!)
Hehehehehehehehehehehehehe!
Barato na mangita pa og mas barato. Ang pagkadaginotan maoy usa sa labing kumon nga hinungdan sa mga kabus nga nahimong adunahan. Ang pag-amping sa labing ubos nga kantidad sa salapi uban sa paningkamot maoy sagad nahimong taytayan sa uban gikan sa tampi sa pagkawalay nahot ngadto sa tampi sa katigayonan.
Dili managsama ang swerte sa tawo. Apan ang kadaghanan sa mga nagmalamposon may iya-iyang sugilanon sa kalisod sa wala pa ang kaharuhay. Sa panahon karon dili na haom ang pulong pagdaginot aron maadunahan. Kun nag-amping ka man karon sa imong kita kana tungod sa nagsakang presyo sa mga batakang palaliton.
Mano: Badlongon kang bataa ka. Sige la’g palta sa klase. Dugay pa ka mouli sa ato mapagaw naku og kinasaba nimo. Tungod sa imong sayop wala kay bawon rong semanaha.
Bitoy: Hahay! tinuod gyud diay sulti sa akong maestro.
Mano: Nga unsa?
Bitoy: Wa na gyuy libre ron sa kamahal sa palaliton, hasta ang sayop sama nag presyo sa akong bawon.(Toink!/Aguy!)
Estoryaheeeeeeeeeeeeeee! Hehehehehehehehehe!
Nanglutaw karon ang mga produkto nga gihulagway nga barato. Mga produktong gikan sa silingang Nasud sa Asya. Apan nunot sa naghitak nga suplay dunay mga pahimangno sa pag-amping kay gikatahong dili durable ang maong mga kagamitan.
May abiso man sa pag-amping kusog gihapon ang pagpamalit tungod kay ang labing tinuod sa kasamtangang panahon, sa kalisod karon sa ekonomiya asa ang barato adto ang bibo. Ning nagsingabot nga pasko buot nakung ipaambit ninyo ang kasayuran pagtoltol sa usa ka tinubdan nga bisan sa kahagip-ot sa panahon mahimo kang makapamahin og pinaskohan.
Halos naa na ang tanang produkto sa ubos nga presyo. Branded apan ekonomiya. Duna hinuoy mga batakang produkto nga dali rang mahurot tungod sab sa mga nag-atang nga mga suki sa ilang tag-sa tagsa ka mga negosyo. 50 ngadto sa 80 porsiyento ang diskwento sa mga RTW. Ubos ang presyo sa groceries ikompara sa mga dagkong tindahan.
Busa kun apeke ang imong budget bisitaha ang Yul General Merchandize sa Sitio Ranger Barangay Pooc sa Siyudad sa Talisay. Tindahan ni sa akong suod nga higala nga klasmit naku sa baso nga si Yul Julia. Sa panahon sa pasko angay natong matoltolan ang mga palaliton nga igo natong mga yanong tawo.
Tabi diay ato-ato lang ni, dunay mga selected items nga mahimo kang mohirit og 10 porsiyento kun tigbasa ka sa Rated R sa Banat News o kaha tigpaminawan ka sa Rated R sa DYAB Abante pa Bisaya.
Clients warning: To much discount is dangerous to business.(Toink!)
Sa binisaya pa kun may diskwento na wa’g ka nang humirit pa, dili nana hangyo kun dili pangayo.(Aguy!) Joke! Joke! Joke! hehehehehehehe
Dihay negosyanteng insik walay daghang sulti.
Buloy: Naa moy plato baligya.
Insik: Wada ka kita, naa dakhan badato.
Buloy: Dili ni mabuak?
(gikuha sa insik ang plato gihapos sa sawog pagkagay)
Insik: Mabuak man, pida ka buak imo paditon?
Buloy: Aguy!
Dah lagi hehehehehehehehehehe!
Malipayong pasko! (emailad:jomar_bellita@yahoo.com)