Sa kataposan uban ni Ana Manalastas

Sa nilabay’ng Biyernes atong nakita sa katapusang higayon nga si Ana Manalastas nanamilit sa iyang mga mahal sa kinabuhi aron mokuyog na ni Tagabantay padulong sa langit. Ako nahimuot nga nagkanayon: “Karon pa ko makakita og kalag nga makagakos!” Hinuon, dili kini mao ang mahinungdanong bahin sa sugilanon. Ang maong sugilanon maoy mosumada sa kinatibuk-ang bayhon sa Diosnong gugma alang natong mga tawo. Nga ang Dios, mohatag og kahigayonan aron ang tawo magbag-o o mabag-o pinaagi sa Diosnong grasya. Husto gyud ang ilang giingon nga kun dunay pinakadakong lawak mao kadtong lawak sa paglambo.

Ang paglambo mahitabo lamang kun ang tawo mamahimong smart user. Nga sa ato pa, gikinahanglan niyang mamahimong specific nga pagbag-o nagasukad sa kaugalingon. Motivated siya sa gugma ug paglaum nga dili pa ulahi ang tanan. Acceptable alang kaniya ang kamatuoran nga dili siya hingpit. Realistic siya nga ang kausaban usa ka proseso ug dili automatic ug makaamgo siya nga ang kinabuhi transitory lamang busa dili angay nga usikan.