Usa sa mga dagkong mga suliran nga giatubang karon sa mga ginikanan mao ang dakong kausaban sa mga kinaiya ug taras sa ilang mga anak.
Ang mga kabataan karon mga tapolan, dali nga laayon kun ang mga magtutudlo magtudlo na kanila. Mohangyo dayon sila sa ilang magtutudlo nga mamuhi na bisan kun ang oras nga tingpamauli layo pa kaayo.
* * *
Palabihon pa nila nga maniyagit o magdula o kaha makig-textmate sa ilang mga uyab kay sa moadto sa library aron mag-research. Ang kanunay nilang gihunahuna ug gipangita mao ang kalingawan sama sa disco, sine, panulong og kumbera, suroy-suroy, pagsalmot og inom-inom uban sa kalakin-an hangtod sila moburot. Kaniadto nihit kaayo ang mga kabataan nga mosalmot og inom uban sa ilang barkada.
* * *
Kun buhi pa tingali si Rizal karon tingali og magminatay gayod siya sa gidangatan sa atong mga kabataan nga maoy iyang gituohan nga “fair hope of our motherland.” Ang Balaang Kasulatan adunay tin-aw ug klaro nga tubag kun ngano nga ang kabataan nahimo karong suliran sa katilingban. “In the last days the children will rebel against their parents, they will be pleasure seekers, lovers of jewelries and trouble makers.”