Sa makadaghan nga panahon si Mayweather nangita og daghang mga alibis aron lang sa paglikay nga dili niya ikahinagbo si Manny diha sa kwadrado nga ring. Kay nahadlok man siya nga malukapa ni Manny ug ang naulahi mao ra unya ang makabuling sa iyang wala pa gyu’y pilde nga record isip boksidor 50-0.
Kadtong ilang kombate ni Shane Mosley nga diriyot siya matumba ni Mosley sa ikaduha ka hugna sa ilang kumbate nagpakita nga kun si Pacquiao pa ang iyang nakuntra seguro gayod unta siya nga malimbuwad.
Nalisang si Mayweather nga makigharong ni Pacquiao gumikan sa kusog ug kapaspas niini. Ang kaabtik og footwork ni Manny lisud sab tupngan. Nagtuo sab ko nga mas kulba og record si Pacquiao kay ni Mayweather 50-42. Sa ato pa 42 ang nalimbuwad ni Pacquiao. Sa record ni Mayweather nga 50-17 nagpakita nga siya midaog lang sa puntos. Record nga dili maayong ipanghambog ilabi na ni Pacquiao.