Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini. Si Rizal ug ang balaang kasulatan

Ang mga batan-on mao ang giila ni Rizal nga “fair hope of the motherland.” Apan ang balaang kasulatan nagtagna nga ang mga kabatan-onan “in the last days tapolan, hambogero, dili matinahuron, pleasure seeker, bastos ug uban pa. Tingali ang mga panagna sa balaang kasulatan nga gituohan sa magtutuo nga 100% husto. Kay unsa pa man diay ang imong ikasulti sa atong nasud nga gihulagway sa mga tigpaniid nga labing kurakot nga nasud sa Asya.

Unsa pa may imong ikasulti sa atong nasud nga maoy tigpadala og mga katabang sa Hong Kong, tigpadala og mga trabahante sa Middle East ug mananayaw sa Japan ug Singapore? Unsa pa may imong ikasulti sa mga tinun-an nga naulipon na sa drugas, gipaburosan sa ilang mga barkada, miapil sa gangs, o mga fraternities ug uban pa? May paglaom pa ba ang atong nasud niining mga tawhana? Kining mga tawhana mao ang naguba sa maanindot unta nga damgo ni Rizal para sa atong nasud. Kaanugon sa dugo nga gipaagas ni Rizal diha sa Luneta kaniadtong Disyembre 30, 1896.

Kaanindot unta puy-an sa nasud kun kining mga tawhana karon nga nagpabuyag ug nagpaka-uwaw sa atong nasud magtinarong pa unta? Kaanindot unta.