Kun duna may kanta nga makahulagway sa labing uwahing pasangil karon batok sa pinalanggang sinagop ni Mayor Socrates Fernandez nga si Joavan, mas haom ang kanta ni Max Surban “Di na gyud ko mousab kausa na lang”(Toink!) Ni kanta ka no? Don’t tell a lie, aminin.(Aguy!) Hehehehehehehe
Kini bitaw’ng tinguha sa pag-usab og kinaiya sayon lang litokon apan dili ingon kasayon buhaton. Diha bitaw amahan nga gipaubos sa trining ang iyang anak bayot sa militar aron gyud mausab.
Mano: Sir kumusta na akong anak?
Major: Musolod na gyud sa mga CR sa lalaki ug dili na sa mga babaye.
Mano: Hay salamat. Adto na mangihi?
Major: Dili, adto manglili.(Toink!/Aguy!)
Hehehehehehehe nisamot ang tonto.
In fairness sa anak-anak sa mayor sa Dakbayan sa Talisay taas ang panahon nga nahilom ang police blotter sa kapolisan nga naglambigit kaniya. Gani daghan na ang nagtuo nga miepekto gyud ang tabang sa hepe sa Cebu City Police Office Sr. Supt. Melvin Buenafe ug mismo sa hepe sa Talisay, Supt. Eddie Ricamara pag-usab kang Joavan.
Nipalyar man ang paagi o gisungog lang si Joavan sa panahon, mabasol ba nimo ang mga nagtuo nga dili na gyud mausab pa ang iyang kamaldito?
Ang labing lisod sa kahimtang karon ni Joavan mao ang pagpatuo nga siya maoy biktima ning duha ka labing uwahing mga pasangil batok niya.
May makombinser kaha nga una siyang gitinontohan maong nabuhat niya ang duha ka managlahing alegasyon?
Sayang kun ang mga tawong nagsugod na pagtuo nga mausab siya sa hingpit mapagngan sa paglaom. Dili man makabuhi kang Joavan ang unsay pagtuo sa uban apan dako ni og epekto sa nagpangga niyang amahan nga nagtinguha sa iyang kausaban.
Lisora sad bitaw ipatuman ning pulong kausaban oy. Diha bitaw babaye nga nakakita og lalaki nga nangihi, ambot og gusto ba siyang mausab pero mao ning nahitabo.
Senyang: Hala kabati gadaghan lang ang dahon gamay kaayo og sanga.
Bitoy: Ha! Unsa man diay gusto nimo, Daghan ang sanga unya gamay ang dahon?(Toink!/Aguy!) Hala tubag niyora hehehehehehehehehe.
Dunay nangutana, unsa man diay angay buhaton ni Joavan? Kun dunay manghilabot niya magpakulata na lang siya aron makatuo ang tanan nga dili na siya maldito?
Nga magpadaogdaog siya aron lang pagpatuo sa publiko nga gusto na siyang magbag-o?
Ang maong pangutana gitubag sab og laing pangutana. Kay duna kahay tawo nga makaila kang Joavan nga magtinonto? Lihay man gani ang mga polis niya ang mga tawo pa kahang ordinaryo?
Dili tinuod sayon ang nasugdang tinguha ni Joavan nga maglikay sa kagubot pagpakita nga nagtinguha na siyang mausab. Apan kun ingon ra usab ka mubo ang pasensiya ug pailob ni Joavan mapakyas ang iyang tinguhang kausaban.
Siya man o dili maoy magsugod sa bisan unsang kagubot nga iyang masom-ukan dili na ingon kasayon ang pagpatuo nga siya maoy gilupigan.Amen!
(emailad:jomar_bellita@yahoo.com)