Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini.
Kaniadto, ang dakbayan sa Sugbo usa pa gayod ka mingaw nga dapit. Gani, atol sa 14th century ang mga historian mihulagway lamang sa dakbayan sa Sugbo nga usa ka “thriving fishing village.” Apan, sa pag-abot sa 1980s nahimo na kining ikaduha nga labing mahinungdanong dakbayan sa nasud.
* * *
Ang paglambo sa dakbayan sa Sugbo misamot sa diha nga gipanghambog ni kanhi Gobernador Lito M. Osmeña ang “economic boom” sa Sugbo. Hangtod nga napalit sa mga Ayala ang Cebu Golf and Country Club nga mao na karon ang nabantog na nga Ayala o Cebu Business Park, ang bag-ong uptown commercial district sa dakbayan sa Sugbo diin mahimutang ang daghang tag-as nga mga building.
* * *
Laing nakapausab sa dagway sa dakbayan sa Sugbo mao ang Marco Polo Plaza Hotel, Sta. Lucia Golf Course sa Pardo ug ubang mga subdivisions.
Laing dapit nga mopausab sa nawong sa dakbayan sa Sugbo mao ang South Road Properties (SRP) diin ibutang ang ikaduha nga labing dako nga SM Mall sa nasud. Nalipay ako sa mga kausaban nga nasinati sa dakbayan sa Sugbo kay kausaban man kini sa dugang kalamboan ug pagsikat sa dakbayan sa Sugbo sa tibuok kalibotan.