Election pagka-OSCA head

Atong gisugyot dinhi nga unahon unta pagpalusot ang ordinansa nga mag-create sa Office of Senior Citizens Affairs (OSCA), sa dili pa magpili og OSCA head. Kini aron maaduna nay legal ug official nga personality ang opisina ug ang tawo nga maglingkod isip OSCA head.

Dili tiaw ang pagka-OSCA head. Dili kini clerical job. Sa ubang mga siyudad, giisip kini nga usa ka department head. Sa atong dakbayan, klaro kaayo ang konstituwente ... mga 50,000 ka senior citizens. Maoy hinungdan nga gibutang kini ubos sa buhatan sa mayor.

Ug ang balaud nagbuot, atong kutloon: ”The Head of the OSCA shall be assisted by the City Social Welfare and Development Officer or by the Municipal Social Welfare and Development Officer, in coordination with the Social Welfare and Development Office.” Sa ato pa, ang role sa DSWS ug sa DSWD regional office, as far as the OSCA operation is concerned, is to assist, pagtabang sa OSCA head.

Gumikan sa kabug-at sa katungdanan ug kaakohan sa OSCA head, gisugyot usab nga ang tanan nga nangambisyon pagka-OSCA head (daghan kaayo ni sila, ambut ngano), mo-submit sa ilang bio-data o resume’ ug brief action plan kun mag-unsa sila kun mapilian nga OSCA head.

Ug bahin sa appropriations, ang balaud nagkanayon: ”The necessary appropriations for the operation and maintenance of the OSCA shall be appropriated and approved by the LGUs concerned.” 

Mao ba ni ang gikabalak-an ug gikahadlokan sa mayor ug sa konseho sa atong dakbayan ... kun asa sila mangitag kwarta alang sa buhatan sa OSCA Head? Mao ba ni ang hinungdan ron ngano nga hangtud karon, wa pa gyuy ordinansa nga mag-create sa OSCA?

Anyway, sila ang matuman. Kun unsa man ang mga hinungdan nga nagpugong kanila pag-create sa OSCA, sila ray nasayod. Ug igo lang ta sa paghuwat. After all, alang nako personally, sige lag hatag sa P5000 cash assistance, bahala nag walay ordinansa o walay OSCA head.

In the meantime, mahimo man tingali nga mag-appoint lang una ang mayor og acting OSCA head, samtang wala pay ordinansa, ug samtang wala pay duly elected nga OSCA head. At least dunay makapirma sa mga OSCA ID, ug sa mga bag-ong application for cash assistance, ug maka-oversee sa mga gimbuhaton sa OSCA.

Meanwhile, paminaw ug interact sa Senior Citizens Hour sa DYRC, 648 sa inyong mga dial, Tels. 4125249, 2388173.