Komiks batok stress

Ning panahona, ang gitawag nilang stress kon kapuot maoy mihari sa atong adlaw-adlaw nga kinabuhi. Ug daghang dili maayong sangputanan niini sa atong panglawas.

* * *

Ako dunay simpleng paagi sa paglikay o ba kaha pag-abog sa stress. Modangop ako sa komiks sa akong paboritong inadlaw’ng mantalaan, ang Philstar, kauban ning Banat News sa Philstar group of publications.

* **

Human - o bisan pa gani sa wa pa -- makabasa sa hard news, hutdon gyud nako’g basa ang komik strips kada adlaw ug ang walo ka pahina nga Sunday Comics matag Domingo.

* **

Malingaw gyud ko, bisan usahay naglagot sa pipila ka mga balita sa page one. Ang paborito kong strips mao ang Prof ni Rene Aranda, McBayan ni Dengcoy Miel, ug Hagar the Horrible ni Dik Browne.

* * *

Sa senemanang Sunday Comics (walo ka pahina) naa diha ang akong kinaham nga Dennis the Menace, Beetle Bailey, Peanuts, Donald Duck, Phantom, Spider-Man, Calvin & Hobbes ug uban pa.

* **

Ang komiks dili lang kay makalingaw kun dili sab makahatag og pagtulon-an. Sa Prof pananglitan ni Rene Aranda naay current events, kasagaran mahitungod sa mga kalapasan sa gobiyerno nga giyagyag pinaagi sa komedya.

* * *

Busa pagbasa sa komiks. Labi na kun motaas ang inyong “hayblad” gumikan sa mga makalagot nga balita sa page one.

* * *

TRIVIA-- Mangumusta ta sa atong mga higala diha sa T. Padilla public market ug sa dan T. Padilla gyud mismo. Hinaut OK ra ang dagan sa kinabuhi ug sa negosyo diha sa merkado. Salamat sa inyong suporta sa Banat News.