Nagpadayon pa man diay ron ang gitawag nga text scam. Kana bang text messages diin misuway og pangilad ang texter. Sige pa ko’g dawat sa ingon nianang mga text messages.
* * *
Adto lang miaging adlaw nakadawat ko og text nga nagpahibalo nga ang akong sim card nakadaug og P750,000 sa raffle. Wa na lang hustohang P1-M.
* * *
Kun akong totalon ang “nadaug” na nako sa raffle-raffle kunohay niining mga text scammers, tingali moabot nag P10-M.
* * *
Gawas ining text-text nga mipahibawo sa akong minilyon na nga kadaugan, naa pa gyu’y laing text scammers nga mangayog load. Dili ra ba modiretso’g pangayo duna pay mga pasakalye.
* * *
Klaro kaayong pangilad apan naa na baya mga nasud sa bulsa sa texters. Si Petra (di niya tinuod nga ngalan) nihatag og P150 nga load sa usa ka texter nga nipasalig kaniya kay duna siya’y P10,000 nga igsusulod sa bangko, etc. etc. etc.
* * *
Karong bag-o naa say mangayo og load sa iyang “roaming” kay na ang-angan siya. Nasirad-an man gud kuno siya sa bangko didto sa Saudi. “Ilisdan tika Ling inig uli ko sunod semana,” matud niya. Naatol ra ba nga Saling ang angga sa ilad victim.
* * *
TRIVIA-- Greetings sa atong mga higala diha sa Englis-Guadalupe area. Salamat sa inyong suporta sa Banat News.