ATS

"Area of Temporary Stay" maoy gisandigan sa MILF kun Moro Islamic Liberation Front aron libre sila nga maglihok-lihok nga dili mamahimong tugawon sa pwersa sa gobyerno.

Ang ATS nga giangkon sa mga rebelding muslim mao say gigamit nga rason sa MILF aron i-justify ang ilang pagpamanhig sa mga sundawo sa gobyerno didto sa Al-Barka nga miresulta sa kamatayon sa 19 ka mga sundawo.

Ang ATS giingong kabahin sa garantiya sa gobyerno ngadto sa mga rebeldi sa tumong nga magmalampuson ang sabut-sabot sa kalinaw.

Ang mga senador nga nasayod niini miingon nga illegal ang maong arrangement.

Si Senador Chiz Escudero buot nga imbistigahan ang paghatag og ATS sa MILF.

Angayan tinuod imbistigahan ang maong tataw nga tinunto tungod kay asa man ka mangita nga ang atong kaugalingon nga mga sundawo dili makasulod sa kabahin sa teritoryo sa atong nasud.

Kanus-a man giamendahan ang atong batakang balaud nga naghatag og kabahin sa Pilipinas ngadto sa mga rebeldi?

* * *

12 ka tuig human sa graduation, nalipay ko nga nakighimamat sa pipila sa akong mga classmates sa kolihiyo.

Sa pagpangligad sa katuigan dako na ang kausaban sa hitsura sa matag usa apan daw wa gyud gihapoy nausab sa mga batasan.

Si Mary Ann Alejandrino-Macasero tamsi na apan bayot gihapon. Si Sheryl tamsi na pud apan wala gyud gihapon mausab ang ka sipat.

Daghan sa mga hilomon namo nga classmates niadto nagpabilin gihapon nga hilomon.

Lingaw kaayo nga balikan ang mga panahon sa kalatagaw panahon sa kolihiyo.

Hinaut nga mausab ang maong kahigayonan nga makatagbo ug magkakita ang mga classmates.

* * *

[email protected]