Nganong kalagkalag man?

Hibong kaayo ko ngano nga ang All Saints Day ug All Souls Day, nahimo mang kalag-kalag. Ngano man? Hangtud karon, wa pa gyuy nakahatag og hingpit nga hinungdan ngano nga nahimo kining kalagkalag.

Anyway, sige na lang. Lagmit, tungod tingali kay hatagan man natog pasidungog ang mga kalag pinaagi sa pagkaon. Maoy hinungdan nga sa adlaw sa mga kalag, magpiyesta ang mga buhi. Ug ang atong pagpakaon sa mga kalag saulogon nato sama sa piyesta. Busa, kalagkalag.

Mao kini ang sagad natong masaksihan matag saulog nato sa All Saints Day ug All Souls Day. Mag-kalagkalag. Usahay, dili mahilakip ang pagsaulog sa All Saints Day. Ambut pila lang kaha kanato ang makahunahuna pagsimba niining adlawa pahinungod sa mga Santos.

Unya, sa minteryo, ang uban morag mag-disco, magkumbira. Magsugal, inom ug maghudyaka. Kumpetensiya sa gidaghanon ug sa ka-mahal sa mga bulak, gidak-on sa mga kandela, ug mga sugang electric. Hinoon, di man ni totally dautan kaylagi halad man ngadto sa nangamatay. Apan, ambut pila lang kanato ang makahunahuna pagpangadye, pag-rosaryo pahinungod sa mga patay. Ug pila lang ang magpa-misa.

Anyway, taas-taas ra ba ang holidays, daghan sa atong kaigsoonang nanubra ang kwarta, nga ila kining himoon nga vacation time. Ila sad ni. Walay makabuot kanila kun unsaon nila paggasto ang daghan nilang kwarta, ug unsaon nila pagsaulog ang All Saints Day ug All Souls Day. Magbuot mo?

Hinaut nga atong kahatagan og tukmang kahulogan ang pagsaulog ning maong mga adlaw. Aron mahimuot ug malipay ang mga Santos ug mga kalag. Ok, mag-piyesta ta. Apan, ato sad hatagan og tukma ug appropriate nga paghandom ang atong mga minahal sa kinabuhi nga giuna pagtawag sa Labaw’ng Makagagahom ngadto balik Kaniya.

Walay nasayod kun hain sila karon ibutang sa Ginoo. Maoy hinungdan nga gisaulog nato ang All Souls Day, aron dunay special day paghinumdom kanila ug pag-ampo alang sa malinawon nilang pagpahulay kay dili man sila makaampo alang sa ilang kaugalingon. Busa, gikinahanglan ang pag-ampo sa mga buhi.

Atong kutloon kining mga reflections sa Daily Gospel 2011 sa Claretian Publications:

“How do we measure the life of a man? When a man dies, what do we remember in him? Every memory that we hold on to are memories of experience of love with that person, our experience of a loving mother, a caring father, a thoughtful brother or sister, or of friend.”

Mao ba ni ang mga memories nga imo karong gihambin ning pagsaulog sa All Souls Day? Padayon: “How do we keep the memories of our departed loved ones alive in our life? Their legacies of love will forever be kept when we share this same experience of love to others. The only way to give justice to what they have left us is to keep the fire of love for our neighbors burning in our hearts. We celebrate not the death of people but their life lived in love.”

Mao ba ni karon ang imong feeling ug disposition ning pagsaulog sa All Saints Day ug

All Souls Day?