Ang ganghaan nga walay gitinguha

Natural lamang nga dunay gitinguha ang matag usa kanato. Kining ikatulong ganghaan maoy pinakalisud sudlan sanglit, mamahimong ihiklin nimo ang imong kaugalingong tinguha ug tinguhaon ang usa ka butang o kahimtang nga dili gyud unta nimo tinguhaon.

Ang ehemplo niini mao si Propeta Samuel nga nagkanayon : Sulti Ginoo kay maminaw ang imong sulugoon. Si Jesus didto sa tanaman sa gabii nga wala pa siya mag-antos ang mahangyoong nagkanayon: “Kun mahimo, kuhaa kining kupa...apan dili ang akong kabubut-on ang matuman kundili ang imo Amahan!“

Kini ang nagdapit kanato nga atong tinguhaon bisan unsa nga gisugo sa gugma kanato nga atong tinguhaon. Kun wala’y gugma, wala’y kapuslanan ang kinabuhi. Kun gitinguha pa lang sa kadaghanan ang bisan unsay gisugo sa gugma nan, wala untay pinatyanay, kaungkagan, kahigal, korupsiyon, pagpakasala ug uban pang salikwaot nga buhat nga maoy nihatag og kangil-ad sa matahom unta nga tawhanong kalibutan.

“Sana’y pag-ibig na lang ang isipin ng bawat isa sa mundo....” Sa tinud-anay lang, andam kitang molatas sa mga nagkadaiyang ganghaan sa gugma ug sa mga kawalay kasigurohan tungod kay kita nahigugma. Adunay kusog ang giingon pa nila: “You and Me against the World...Anah!”