Si Nita

Kini si Nita usa ka sekretarya sa parokya nga nahimo na nakong higala niadtong nadestino pa ako sa Carnaza. Mga kaparian iyang mga higala gikan pa kang Monsenyor Noel ngadto na kang Monsenyor Dodong ug Padre Choy Choym Jermainem ug Portz. Usa ka higayon niana kami nagkaestorya kay sa ilang parokya ako nibisita. Ako siyang giingnan kun ugaling magminyo man unsa iyang himoon? Siya sa hugtanong tingog mitubag: “Nganong lisud-lisuron man nako ang akong kinabuhi nga kontento man ko sa kinabuhing ingon ini? Laag bisan asa ug walay itangkil nga bana? Sa laktod kontento na gyud siya sa kinabuhing dalaga bisan kun tataw na kuno ang mga uban niya.

Karong mga higayona, daw sa nahimong praktikalan ang kaminyoon alang kanilang dili buot mag-inusara sa kalibutang madangog. Dili kita makabasol sanglit giapas man ang seguridad. Nahimong dili na basehan hinuon ang gugma diha sa pagpili sa imong ikatupad sa kama. Kun daghang mga lalaki ang mangilad, daghang mga babaye usab ang nagbuhat sa ingon. Mao nga sa tantong dinali-dali, ang gugma nahimong usa ka kasinatiang traumatic kay lagi dili man maangtigong mosakripisyo. Husto gyud si Azenith Arnejo sa iyang text ngari kanako: “I don’t rush to falling in love for love never runs out! Even if tawanan nila ako cause I’m single, I just tell them, God is very busy writing the best love story for me!” Dunay punto si Nita kun nganong gipili gyud niya ang maong kinabuhi. Ang akong Love Story? Gisugdan na og tagik sa bag-ong libro sa kinabuhi. Ang Dios maoy nisulat ug usa ako sa mga karakter ug dako ang akong pagtuo nga dunay they live happily ever after ... Kay ang Dios tanos mosulat sa badlis nga hiwi.