Nangandoy nga dunay kuryente

BRGY TABIONAN, SAN FERNANDO, CEBU

“Magpatabang unta mi Sir bahin sa among problema kay dugay na gyod mi diri nangandoy nga dunay kuryente, gisigihan lang mi saad pero hangtod karon wala gyod mi katagamtam og eksaktong kahayag, asa naman ang mga opisyal sa gobyerno?”

 BRGY TAGBAO, CEBU CITY

“Naunsa naman tawon ning among karsada diri sa sitio Cabaasan paingon sa sitio Masaba grabe naman gyod kalibaongon labi na gyod kun mag-uwan kuyaw kaayo sa mga sumasakay , hinaut nga ipatiwas na unta nig semento.”

BRGY MAGUIKAY, MANDAUE CITY,

BRGY LOREGA-SAN MIGUEL, CEBU CITY

“Ngano ang illegal nga drugas dili man masumpo diri sa among barangay kay inay nga mawagtang mas midaghan naman hinuon ang namaligya, kinsa man diay makasumpo ani?”

BRGY POBLACION, ALEGRIA, CEBU

“Matag Biyernes kusog kaayo ang hantak diri sa among lugar kay tabo man pero illegal man unta ni Sir busa angayan lang nga dakpon, ang among mga polis diri way gihimo kay polis man sad ang nagpahantak ani.”

BRGY CUBACUB, MANDAUE CITY

“Aksyoni intawon diri sa among barangay sir Jun kay ang among mga basura diri sa Purok 3 agiagian ra man sa garbage collector ila ra man unahon ang mga basura nga nay matimbang, among kapitan wala sad pakabana.”

BRGY YATI, LILOAN, CEBU

“Usahay makakatawa ko Sir kay usahay inig agi nako diha sa barangay hall ang mga tanod mangatulog ra man inay nga magrobing aron mahadlok sad ang mga manulisay uy kay daghan na diri, angayan tan-awon na sa mga opisyal sa barangay.”

BRGY CAMOBOAN, TABOGON, CEBU

“Diri sa Maasin-Pasil Sir kay ireklamo namo ning among way agas-agas nga tinubdan sa tubig kay luoy kaayo mi diri nagsige man unta mi’g bayad sa binuwan sa tubig bisag way agas, hangyo lang mi sa gobernador nga tabangan mi.”

BRGY TAYUD, LILOAN, CEBU

“Tabangi intawon mi’g lugit anang mga polis sa lungsod Sir nga tan-awon sad nila ang problema sa illegal nga drugas diri kay grabe naman ang shabu labi na sa sitio Kawayanan, naa mi makit-an nga mga BIN mag-adtoan sa balay sa mamaligyaay pero duda mi sa tuyo kay wa may dakop nga nahimo.”

BRGY SUBAYON, TOLEDO CITY

“Naunsa naman ning among karsada diri labi nang dapit sa Saksak libaongon kaayo, among mga opisyales wala gyud makaatiman aning problemaha mayo lang sa saad pero way lihoklihok.”

BRGY CACAO, KANANGA, LEYTE

“Hangyo lang unta mi Sir sa mga opisyales sa lungsod nga atimanon unta ning among mga karsada ug tulay kay gubaon kaayo daghan na nadisgrasya kay motor ra man maoy makaagi, 20 nami ka tuig inantusay ani among mga opisyal sige lang dawat sweldo.”

BRGY COGON-WEST, CARMEN, CEBU

“Ang mga adik diri sa amo kay wa nay kahadlok kay mga opisyal sa barangay ug mga polis wala may tagad, klaro ra kaayo nga magsuyop bisag daghang tawo. Nay mga tanod diri mag-roving kataw-an lang kay dili man sad kabadlong.”

Happy birthday ni JOHN RHINO SALVADO

* * *

Alang sa inyong mga reklamo text lang sa 09071678643