Tapus sa pila ka semana nga absent, nahibalik ko sa miaging Domingo sa City Sports Center… ug daku ang akong kahibong sa improvement sa sulod niini, mga improvement nga mora’g gipasagdan lang.
Una, ang arko giguba kay gipadak-an ug gipatas-an aron kuno dili masangit ang mga float sa Sinulog. Good. Apan, mora ma’g dugaydugay na ning gitrabaho, walay nasayod kanus-a mahuman. Karon, maglikoliko ka una makasulod sa oval. OK lang, no big deal.
Ikaduha, giguba ang mga railing libot sa oval ug sama sa arko, mora ma’g gipasagdan lang pod, hangtud nga diha konoy babaye nga nabwasot. Unsaon man diay ni nila? Matud pa, ila konong patas-an ug butangan og mga barbed wire sa taas. Kun tinuod, mora na unya tag BBRC ini.
Ikatulo, duna na man konoy gahin alang sa oval? Nganong waa pa man trabahoa? Tubag sa akong tinubdan: Ma-ang-ang na kay hapit na ang Sinulog. Sa ato pa, unya na trabahoa human sa Sinulog. As is lang una ang tanan, until after the Sinulog. Ambut ngano nga naghuwat man sila nga ma-ang-ang ang pagtrabaho? Kun ila pa ning gitrabaho tapus sa miaging Sinulog, dugay na unta ning nahuman.
Anyway, ila sad ni. In the meantime, magpaanad-anad lang ta sa mangil-ad ug hugaw nga kahimtang karon sa Cebu City Sports Center.
* * *
Ang United Nations Research Institute for Social Development miawhag sa kagamhanan sa Pilipinas nga ilakip ang private sector, usa ka independent nga hut-ong sa katilingban, sa implementation sa Pantawid Pamilyang Pilipino Program (PPPP) aron maseguro ang paglampos niini, ug aron dunay makatabang pagtan-aw nga dili kini kataptan sa sakit sa corruption.
Samtang maayo ang katuyoan niini, apan, gikinahanglan ang mga safeguards aron dili kaduhigan sa politika, ug aron mahidangat gayud ngadto sa intended nga mga beneficiaries ang tabang pinansiyal sa kagamhanan.
Ang awhag sa United Nations, gipasikad sa kasinatian sa ubang nasud nga misagop ning maong programaha sama sa mga nasud sa South America ug Africa.
* * *
At the rate sa atong pagguba sa atong kalasangan, muabot ang dili-halayo nga panahon, nga ang atong nasud mamahimong labing daku nga importer sa kahoy. Gani, giingon dinhi, pinasikad sa usa ka report: The Philippines is now a heavy importer of logs. Di ka mauwaw ana, Dro?
Unsay nahitabo sa atong kalasangan? Niay atong kutloon gikan sa special report ni Rudy A. Fernandez sa Inquirer: “During the last quarter of the 16th century, at the early period of the Spanish colonization of the country, forests covered about 27 million hectares (more than 90 percent) of the total land area of 30 million hectares.”
Karon, unsa na man? Nangaupaw na ang atong kabukiran ug kalasangan. Ug gumikan sa kahakog sa tawo, wala gyud ma-implementar ang total log ban. Unya , mangutana ka nganong malunopan na ang dalan Colon?