Si Hans Christian Andersen

Usa sa mga trailers nga akong nakita mao man ang trailer nga nagsugid sa kinabuhi ni Hans Christian Andersen ang bantugang magsusulat sa mga sugilanon alang sa mga kabataan. Gitataw gyud didto nga ang iyang puhonan sa pagkab-ot sa iyang tumong mao ra man gyud ang iyang imahinasyon.

Kay unsa ba gud ang anaa sa imahinasyon? Daghan gyud kaayo ang anaa sa imahinasyon natong mga tawo. Mahimong magmabungahon kita tungod niini o dili ba kaha mamahimo kitang makahimo og mga butang nga sukwahi sa naandang ritmo ug makapahimo kanatong deviant diha sa katilingban. Hinuon, ang praktikal nga tambag, gamita lang gyud ang imahinasyon sa positibo ug himsog nga paagi ug makita nimo ang resulta.

Mao nga kinahanglanon usab ang daydreaming sanglit ang daydreaming, mao man ang ganghaan aron ang unsay anaa sa imahinasyon nga maayo ang mahimo kaayong ugmaron aron mamahimong usa ka tinuod nga hitabo. Ang sanglitanan niini mao ang usa ka gamay’ng bata nga naghunahuna nga siya usa ka piloto. Ang maong akto usa ka daydreaming nga mahimong matinuod kun ang maong bata inigkadako niya ang motungha ug maningkamot aron mamahimong usa ka piloto. Si Hans Christian Andersen ang buot modasig kanato anaa gihapon ang kaanyag bisan pa man kun kita pagatawgon nga mga ugly ducklings!

Show comments