Gugmang ginadili kay maoy mando sa Jedi Order mao nga si Anakin sa unang higayon naglibog samtang si Padme gumikan kay senador sa Republic ang dili gyud unta buot nga mahimugso ang gugma nga modugtong kanilang duha. Apan nahitabo ang wala gyud damha. Nagkahigugmaay silang duha. At least, wala sila mamakak hinunoa nag matinud-anon sila sa usag-usa ug sa ila mismong kaugalingon.
Ang pagkamatinud-anon sa kaugalingon bisan pa man sa gilatid nga utlanan sa kustombre ang gikinahanglan aron mamahimong gawasnon ang tawo. Hinoun wala man kini magpasabot og tira pasagad na lang ang desisyon kay matud pa bitaw sa pahimangno:"NEVER MAKE A DECISION WHEN YOU ARE IN THE STATE OF CONFUSION". Pamalandongi ang matag lakang nga imong pagahimoon. Ug kun desidido ka na, ayaw gyud sulayi ang pagmahay. Gikinahanglang responsible ka sa imong hukom ug sa linugdangan sa imong pagpili. Si Anakin bisan pa man talentado ang nahimong egoistic ra kaayo. Gikalimtan niya nga dunay Padme. Ang iyang hunahuna nga siya ra gyud ang magbuot ....Siya.....Siya ...Siya .... Pastilan! Mao kini ang nakapadala kaniya ngadto sa Dark Side of the Force ug nahimo siyang sakop na hinoun sa mortal na kaaway sa Jedi Order nga mao ang Sith. Kita ang gipahimangnoan ning maong: "God does not pay at the end of everyday. But at the end, he pays.....(Ann of Austria). Kanunay'ng abli ang kinabuhi sa nagkadaiyang posibilidad apan himoa lang nga imong pilion alang sa kahimayaan sa Dios nga imong pilion alang sa kahimayaan sa Dios nga imong magbubuhat.