Sa gusto tag sa dili, ang tanan ning kalibutan, aduna gayuy katapusan ug linugdangan. Kini, bisag unsa nimo ka adunahan, bisag unsa nimo ka gamhanan. Sumaa, hain ug unsa na man karon ang kanhing mga adunahan ug gamhanan kaayo nga mga tawo?
Apan, ang tawo refuses to learn of the events of the past. Maoy hinungdan nga ang atong mga paningkamot, gitumong ra gyud sa pag-angkon og daghan kaayong kwarta, by all means, and by hook or by crook …aron maangkon og tumang gahom. Busa, naghitak ang corruption sa atong nasud, as if walay katapusan. Nagpatuyang. Apan, sa ako nang giingon, ma-nulo ang tanan, mapabali-wala inig-abot na sa panahon.
Ug sakit kaayong palandungon nga sa imong pagkagamhanan, sa kalit lang kini mawala gikan kanimo, ug kun wala nimo gamita sa husto ang maong gahom, mawagtang usab ang tanang mga pagdayeg nga imong naangkon, ug ang mga nag-alirong kanimo nga nagluhod ug nagsimba kanimo, sa kalit lang mahanaw usab, ang uban manghimaraot pa kanimo.
Pastilan, pagkamaluibon sa tawo, pagka-ungrateful, dili moila og utang kabubut-on. Atong nasaksihan ang vicious cycle nga panghitabo sa atong nasud. Nagpulipuli lang paghupot sa gahom, ug nagbanosbanos pagpangilkil sa salapi sa lungsod.
Mao kini ang talan-awon ug kahimtang sa atong nasud, diin, maoy atong pagtuo nga sa pagkawagtang ni Marcos, magmauswagon na ang atong nasud. Apan, misamot ang corruption ug misamot kita’g kaalaut.
Unsa man ning nahitabo karon sa kanhi natong mga lider, karma? Agig tubag ug silot (?) sa dautan nilang mga binuhatan sa diha pa sila sa gahom? Giingon nga bisan unsa kono ka gamay sa maayo nimong binuhatan, gantihan kini sa Ginoo. Ingonman, bisan unsa kono ka gamay sa dautan nimong binuhatan, aduna usab kini corresponding nga silot. Mao ba ni ang ilang giingon nga Karma?
We never learn. Ang mga dautang buhat sa kanhi natong mga lider, atong gipadayon – sa walay paghunahuna nga sama sa nag-una kanato, ang tanan mahanaw da usab. Ambut unsaon nila ang nagtumpi nilang bahandi nga during their lifetime di man gyud mahurot? Ngano man gyud?
We never learn nga kun kwarta nay hisgutan, walay makatagbaw sa tawo.Nga kun magpaulipon na kita sa kwarta, magkadaku ang atong kahinam pag-angkon og dugang kwarta … magka-grabe ang atong kahakog, ma-out of control na, ug dili na ma-moderated ang atong greed.
Maoy atong panghinaut nga dili unta kataptan sa corruption si Noynoy. Nga kun magpabilin si Noynoy sa kalinis sa iyang pagkatawo, dili kaduhigan sa kahugawan sa subrang pamolitika, aduna pa kitay paglaum nga mouswag da kining atong nasud ug mahaw-as kita gikan sa kawad-on. Let’s keep on dreaming … dili kita magpakawala sa paglaom!