Luyo sa trahedya

Nagbagulbol pag-ayo si Aldong kay wala siya mapaliti og sapatos sa iyang amahan nga si Amaro. Unta nagtinarong man siya sa iyang pagtuon ug gani, nakagradwar man siya nga nindot og grado. Kini hinuong motungtong na siya sa kolehiyo nag-antos lang gihapon siya sa iyang purdoy nga kahimtang ug bayhon. Apan giabot siya sa tumang kahimatngon nga sa dihang nakita niya ang usa ka batan-on nga nindot tuod og sapatos apan kiang man pud maglakaw.

Dunay tumong ang bisan unsang mga panghitabo. Bisan gani ang giisip natong demalas ang makahatag kanato og pagtulon-an sa kinabuhi nga sarang natong magamit aron makatambag pud sa uban nga sama kanato moagi pud sa atong kalisdanan. Usa ka batan-on ang mi-text kanako usa ka gabii niana. Ang text nagkanayon: “Behind every event is God’s purpose, at times what we consider a trial is simply His permission for us to rearrange our lives to be more meaningful... “Mao nga natural lamang nga agian ang mga proseso sa tawhanong pakiglambigit aron sa ingon dili ka ma-ignorante. Tinuod ang sakit nga kasinatian ang makapahimo kanimong makinaadmanon kun ikaw abli nga magkat-on.