Mas urgent ang RH Bill kay sa Freedom of Information Bill

Alang kang Noynoy, mas ugent alang kaniya ang RH Bill nga magkinahanglan og bilyon ka pesos pagpaimplementar niini kun mahimo nang balaud, kay sa Freedom of Information Bill (FOIB) nga dugaydugay na usab nga nag-ung-ong sa Kongreso.

Matud ni Neal H. Cruz sa Inquirer, “The RH Bill has a divisive effect on the Philippine society and will need a budget of billions of pesos. On the other hand, everybody agrees that what the government is doing should be transparent.

Alang kang Noynoy, kinahanglan mamalit kita’g condom ug mga contraceptives alang sa mga pobreng magtiayon nga dili maka-afford pagpamalit niini, hinungdan nga magpunay lag panganak. Apan, wala niya isipa nga urgent ang FOI bill – kay lagmit di sad siya gusto nga ma-transparent ang iyang administrasyon. Ngano man?

Mipadayon si Neal Cruz: “It is a mystery , therefore, why P-Noy did not include it in his 13 priority bills. Nobody is opposed to it – at least publicly. So, somebody influential with the President must be secretly against it.

“And anybody who is opposed against freedom of information must have something to hide. And if he/she is hiding anything, it must be illegal, immoral, unethical, or at least something ashamed of.” Ang FOI daku kaayo’g ikatabang ni Noynoy sa iyang kampanya batok sa corruption in government. Apan, nganong mas importante man alang kaniya ang RH Bill kay sa Freedom of Information Bill?

* * *

Climate change. Sa among panahon, sayo sa buntag, nindot kaayong isuroy-suroy pagpainit sa adlaw. Apan, karon, inigsubang sa adlaw, mamahit dayon ang kainit sa adlaw, hangtud na inigsawop niini. Sa among panahon, modag-um una una mouwan; apan karon, taliwa sa naglagiting nga adlaw, diritso’g bundak ang uwan, di moagi’g habuhabo o tutaligsik. Unya, mokalit lang pud og init.

Sa among panahon, panahon sa ting-ulan, bugnaw kaayo ang panahon. Apan karon, bisan sa pagbundak sa ulan nga dagku kaayo’g lusok, imong bation ang kainit sa lawas ug mapugos ka’g pamaypay.

Sa among panahon, klaro kaayo ang rainy season ug ang dry season. Apan karon, magsige og ulan panahon sa ting-init, ug maglagiting ang kainit sa adlaw panahon sa ting-ulan.

Unya, sa among panahon, mora man to’g walay baha, walay lunop, walay landslide, walay kahoy nga mopatay og driver o modat-ug og balay. Indeed, grabe na ang climate change. Unsa ug kinsay nakaingon ini, Dro?