Simbako

Kun makadungog gani kita og bisan unsa nga bati o dili ba kaha kuyaw nga molambigit kanato ug sa atong mga higala, dili nato tuyoon nga makatuwaw:"Simbako!" Kini pud ang gibati ni Pedro sa dihang iyang nadunggan sa mas tataw nga pagpadayag kun unsay linugdangan sa iyang magtutudlo nga si Jesus agi’g bayad sa pagtulon-an ug pagkinabuhi niini, batok sa mga kaaway nga naglagot kaniya sa hilabihan. Apan ang maong "Pagsimbako" ang gibadlong sanglit, ang hunahuna ni Pedro, hunahuna sa tawo ug dili sa Dios. Hinuon dili kita makabasol kay natural lamang kini sa usa ka suod nga higala nga mosinati sa ingon.

Apan ang maong "Simbako" wala makapakgang sa ilang panagsuod ug sa kamatinud-anon sa usa’g-usa. Kini tungod kay si Pedro ug si Jesus ang nihimo ning mosunod:

Una, matinud-anon sila sa usa’g-usa.

Ikaduha. Wala sila mahimong babag sa tagsa-tagsa nila ka tawag

Ikatulo, nagpaminaway sila

Ingon ini usab ang pagkatinun-an. Dili lang kini isyu sa pagsunod o pagtuman sa lagda o pagsakripisyo, kondili usa kini ka pakigrelasyon nga magbunga og pagka matinud-anon.