Ang kaakuhan mo

Ang tinud-anay nga pagkab-ot sa kalipay ang wala magsukad sa atong pag-agad lamang sa kinaiya o sa panlantaw sa uban. Ato gyud kining pilion, ato gyud kining himuon nga kaakuhan. We need to be independent matud pa ni Christopher Salonga sa iyang libro nga better joy.

Dili maayong magsalig kita sa ubang tawo alang sa atong kalipay o dili ba kaha sa atong kaguol. Unique kita ug kay unique angayan lamang nga atong barugan ang atong pagkalahi gikan sa kinabag-an kay kini maoy nakapahimo kanatong interesante kaayo. Tinuod nga maayo ang mamalandong sa expectations sa ubang tawo. Apan mao pud unta kini ang atong hunahunaon nga ang ilang kinabuhi dili nato kinabuhi. Ayaw kahadlok ug kabalaka kun ikaw masayop man gani sanglit, kabahin man kini sa imong pagka-ikaw. Ang mahinungdanon nga duna kay kaisog ug kusog nga modawat ug moangkon nga ikaw nasayop ug duna kay resolusyon nga imong tul-iron ang bisan unsang imong sayop...nianang paagiha, tawo ka nga hamtong.