Kwarta makapataas sa kinabuhi

Ang kwarta "may not be everything". Apan, hilabihan ka dako ang mahimo niini. Pipila sa mahimo sa kwarta mao ang pagtukod og mga skyscrapers, taytayan, pagpatag sa kabukiran ug pagpataas sa kinabuhi sa tawo.

Sa pagkatinood, dyutay nalang gayod ang mga butang nga dili mahimo sa kwarta dinhi sa kalibotan. Mao kana ang hinungdan kun ngano nga dili kita makabasol ngadto sa uban tang mga kaigsoonan nga miila sa kwarta nga labaw pa sa Diyos. Ilabi na niadtong atong mga kaigsoonan nga kulang og pagtuo sa atong Makagagahum.

Suma pa sa atong kasaligang tinubdan nga mihangyo nga dili lang magpaila nga libuan karon sa atong mga kaigsoonan buhi lang gihapon tungod sa ilang kwarta.

"Sila mao ang mga tawo nga adunay daily maintenance sa ilang tambal. Sama sa dialysis, cancer, tuberculosis, diabetic ug uban pa," suma pa sa atong samang tinubdan. Gitawag sila og mga "living dead" sa ubang mga tawo.

Suma pa sa atong samang tinubdan nga gumikan sa ilang kwarta kining mga tawhana milungtad hangtod sa 30 ka tuig og milahutay hangtod sa pangedaron nga 95 anyos.

Gani, daghan pa ang himsog ug baskog og panglawas nga mag-una kanila gumikan sa mga disgrasya o atake sa kasingkasing. Suma pa sa mga maalamon "money is the only language that the world can understand". Apan, kinahanglan nga dili kita magpaulipon sa kwarta tungod kay ang kwarta "is the root of all evils."