Kalipay ba?

Dili sulagma ang kalipay, kini gyud ang pagapilion. Tinuod daghan kanato ang adunay kahigayonan nga magmalipayon apan ang mas nindot kun ato gyud kining pilion ingon nga mahinungdanong bahin sa atong kinabuhi. Daghang mga hinungdan kun nganong gikinahanglang magmalipayon ang tawo. Ug kini ang naglangkob ning mosunod: “Ang imong talento, panginabuhi, mga higala ug mismo gani ang yanong mga kasinatian. Ingon nga pagpili gikinahanglang imong sugdan kini sa imong hunahuna. Hunahunaon gyud nimo nga ikaw gikinahanglang magmalipayon. Lisud tugkaron ang tinud-anay nga kahulogan sa kalipay apan mahimo nato kining masinati bisan sa mga ginagmay’ng kahigayonan. Kun ugaling imong giagad ang imong kaugalingong kalipay ni bisan kinsa, nan, angay mo silang basulon kun ugaling dili kana magmalipayon.

Atong hinuklogan ang giingon ni Christopher Salonga, RCJ sa iyang libro nga Better Joy p. 7: “We can decide to be happy no matter what. Even at the normal level or state of our emotions, we still feel satisfied and contented:” Haom kaayo kini alang kanimo ug kanako. Kay bisan gani ako naningkamot nga sabton ang misteryo sa kalipay.