Napino-pino ang kinatawo

Usa ka asawa didto sa Southern California gisikop sa polis ug gitanggong sa police jail tungod kay namutol. Unsay giputol?

* * *

Suma pa sa balita, si Catherine Kieu Becker gidakop tungod kay iyang giputlan sa kinatawo ang iyang bana. Human niya pakan-a og pagkaon nga makapatug.

* * *

Dihang nahikatug na kini, gigapos sa babaye ang iyang bana ug nikuha og 10-inch kitchen knife ug giputol ang kinatawo ni mister.

* * *

Gilabay sa suspek ang kinatawo sa garbage disposal container diin adunay automatic shredder ug gipaandar ang shredder. Napinopino ang “iyaha” ni Sir.

* * *

Nahinumdom ko, niadtong reporter pa ako, dihay lalaki nga nag-aguwo sa may mga kalibunan sa Plaza. Giduol sa mga kuryosong tawo ug ilang nakit-an ang lalaki nga nagkadugo.

* * *

Diin gikan ang dugo? Gikan sa iyang kinatawo nga iyang giputol. “Nganong gihimo man nimo kana?” dihay nangutana sa lalaki. “Wa’y pus kining oploka. Hangtud ning orasa wa pa gyud makasuway og aksyon,” tubag sa kuwanggol.

* * *

Nagsegi’g hilak sa kasakit ug sa kahadlok nga mahutdan siya og dugo. Hinoon gidali man sab siya og dala sa ospital. Ug human na siya atimana sa doktor, nangutana kini: “Mauli pa ba kini ang akong oplok.” Duna siya’y gigunitan nga murag nahiyos nga choriso.

* * *

TRIVIA -- Hello sa atong mga higala diha sa Lapulapu City Hall. Thank you for your support.