Beyond unreasonable doubt

Kini ang gibuhiang pulong sa usa ka Ginang kun maghisgot na kuno og paghigugma ngadto sa iyang bana. Sa ato pa, anaa gyud ang kinatibuk-ang pagsalig.

Apan asa man tuod ni kutob? Nindot man ang mahigugma apan kuyog sa maong paghigugma mao ang dakong risgo nga sa madugay ug sa madali ang imong gihigugma dili na mahigugma nimo o dili ba kaha mapul-an na.

Dakong kamatuoran ang giingon ni Heraclitus nga ang tanan magkausab-usab. Apil na niini ang pagbati ug paghigugma. Wala’y hingpit nga gugma ni walay hingpit nga relasyon.

Ang tanan dunay buslot ginagmay man o dinagko. Adunay komplikasyon mosugot kita o sa dili. Apan dunay uban nga dili buot og komplikasyon ug uyon na lang nga masakitan ang kaugalingon o dili ba kaha ang uban aron mas simple ang daan nang komplikadong kinabuhi.

Kini ang reyalismo sa kinabuhi. Ang pagdawat nga kini dili hingpit ug dili usa ka fairytale ang tingali makahatag og hamabaw nga kaayohan sa balatiang samaran. Sa akong personal nga panahom: “Life will never be fair and it never was!”