Ang imong personalidad

Daghan gyud ang kalainan sa matag personalidad sa tawo. Matag usa dunay iya ug dili na ikalimod nga adunay panagbangi ning maong nagkadaiyang personalidad. Ingon ini kamabulokon ang tawo ingon man ang kinabuhi. Sa libro nila ni Lawrence A. Pervin ug Oliver P. John: Personality Theory and Research Fourth Edition (p.4) ang nagkanayon: “Personality represent those characteristics of the person that account for consistent patterns of feelings, thinking, and behaving.” Ang matag personalidad ma-introvert o extrovert o bisan gani ang siyam ka mga tipo sa personalidad sa Enneagram ang naghulagway sa kinatibuk-ang bayhon sa tawo diha sa iyang personalidad nga mahimong maapektohan sa mga nagkadaiyang mga hinungdan (Environmental, Biological, Spiritual, Kultural).

Aduna tay atong kaugalingon busa matarong lamang nga dili nato sun-on ang uban sanglit kun ato kining himuon, nahimo kitang bakakon mismo sa atong kaugalingon. Walay hingpit nga personalidad. Aduna silay kahuyangan ug sa laing bahin adunay kusog. Ang sinugdanan aron makab-ot ang kusog mao ang paghimo niini nga higugmaon.