Sulod sa lima ka tuig

Hunyo 20, 2011 mao ang usa ka halandumong hitabo sa kinabuhi namong unom. Reverend Fathers: Amador Bacotot, Mark Rommel Barneso, Reynaldo Cui, Sherwin Leo Ferrater, Jacinto Rama Jr., ug Roland Angel Anthony Torres. Lima ka tuig ang nilabay ang na-ordenahang pari ubos sa pagpandong sa iyang talahuron: Ricardo Cardinal Vidal, DD ang Arsobispo Emeritus sa Artsdyosesis sa Sugbo.

Adunay tutulo ka mga areas ang angayang tan-awon ni bisan kinsang pari. Kini ang naglangkob sa identity, Intimacy, ug Authority. Ang Identity ang nagtug-an sa imong pagkatawo diha sa natad sa imong sexual preference ug kun giunsa man nimo kini pag-atubang. Ang Intimacy diin ang imong kaugalingon nahimo bang hamtong diha sa pakigkukabildo sa opposite o dili ba kaha sa same sex. Diin nahimo mong maumol ang usa ka hamtong apan suod nga relasyon ni bisan kinsa without trespassing the boundaries. Ang authority diin imong gihimong nakita ang imong kaugalingon ingon nga tawo nga ubos sa pagdumala sa usa ka labaw.

Ang pari ingon nga tawo usa usab ka dakong masalaypon. Apan bisan pa niini, nahimo siyang instrumento sa mga misteryo sa kaluwasan. My grace is enough for you for it is in weakness that you are strong...Tu es Sacerdos in Aetemum!