Pentekostes

Ang agricultural feast nga mao ang Pentekostes (Gikan sa Griyegong Pulong: PENTEKOSTE HEMERA nga nagpasabot og ka-50 ka adlaw, mao sad ang adlaw diin gigasa ang Balaang Espiritu sa mga tinun-an sa Ginoo. Mao kini ang hinungdan kun nganong ang tanan nga nakasaksi sa maong hitabo ang nakadungog nga ang mga tinun-an nilitok og mga nagkalainlaing mga pinulongan. Nga bisan paman sa maong panaglahi sila ang nagkasinabtanay gihapon.

Sa laing bahin ang pulong espiritu gikan sa mga pulong Griyego ug Hebreo nga pneuma ug RUA kang kansang pagpahimug-at ang gibutang gyud diha sa gininhawa o breathing. Nga sa ato pa, ang Espiritu Prinsipyo sa Kinabuhi ug nagkahulogan og kinabuhi gyud mismo. Mao nga dako kaayo ang tahas ug papel sa Espiritu Santo sa kinabuhi sa Simbahan. Ang Espiritu Santo mao naghatag og kinabuhi, ang gininhawa sa Simbahan hangtud karon. Sa iyang pagka-gininhawa iyang gihimo nga molihok ang Simbahan pinasikad sa mga karisma o mga gasa nga iyang gihatag niini. Nagkalain-laing mga gasa ang gihatag apan mao lang Espirituha ang gigikanan. Taliwala ning managlahing mga gasa anaa gihapon ang kahiusa.

Diha sa kahilom pamalandongi ang imong mga gasa nga nadawat gikan sa maong Espiritu. Dayon, ipakita ug ipaambit kini sa tumang kadasig.