Si Mafe ang ni text kanako ning mosunod: “An Ironic Truth: There are those who take good care of others while they themselves are in need to be taken cared of.” Sa laing bahin si Kahil Gibran ang nagkanayon: “As I attempted to console her, it was I who needed consolation more than she did.” Ang balighot sa kinabuhi mao nga daghan nato ang dunay mga kaugalingong mga panginahanglan nga atong gihiklin aron unahon ang panginahanglan sa uban. Kun moadto kita sa kalibutan sa Enneagram mao kini ang dili himsog nga aspeto sa mga magtatabang (helpers) diha sa Tipo 2. Ang ilang panginahanglan mao nga sila kinahanglanon. Mao nga dali alang kanila ang pag boluntaryo bisan wala sila hangyoa.
Apan lagi adunay panginahanglan ang matag usa. Matang sa panginahanglan nga dili angay nga ihiklin sa kapasikaran nga kini mangita gyud og lungag aron siya mousli. Mao nga daw sa dunay dakong punto sila si Gibran ug Mafe. Dili maayo nga ipakita nga kita walay kinahanglan basin unya sa kaulahian kita magmahay o dili ba kaha magbagulbol na lamang.