Si Monica Fernandes sa iyang libro nga “Towards a Fuller Life” ang nihatag ning maong pamahayag kalabot sa kahadlok. “Fear is an instinctual emotion that was a survival tool for our ancestors from the old stone age. It kept them from grappling with wild beasts. They chose flight instead.” (p.57). Kini ang positibong nahatag sa kahadlok ngadto sa tawo. Sa laing bahin, kini adunay negatibong natampo usab alang kanato. Kini kun ato kining tugotan nga:
A. Moulipon kanato.
B. Mobabag sa atong hustong panghunahuna sa paghimo og mga desisyon sa kinabuhi.
Mao nga ang tawo nga naulipon sa kahadlok makasinati na hinuon og pagtaas sa presyon sa dugo, paspas nga pitik sa kasingkasing ug uban pa. Si Franklin D. Rosevelt ang nagpahinumdom kanato. “The only thing we have to fear is fear itself.” Mao kinahanglang buntogon ang walay hinungdang kahadlok pinaagi sa paghupot sa kaisog. Si Mark Twain ang miingon: “Courage is resistance to fear. Mastery of fear, not absence of fear.”