Pagpamalandong alang sa Malangkubong Kaayohan

Adunay duha ka mga konsiderasyon nga angayan natong tan-awon kun unsa ang atong hunahuna sa atong kaugalingon. Panggawas (External) o diha sa sulod nga bahin (Internal) sa atong pagka-kita.

Panggawas (External) Kini ang mga panggawas nga mga butang o panghitabo nga nakatandog kanato. Mahimong molangkob kini ning mga mosunod nga mga elemento:

A. Defining Moments- Mahubitong mga Yugto - Mga kasinatian kini nga mahimong molambigit sa mga kasinatian sa trauma ug trahedya, o kasinatian sa kadaugan o kalipay. Kini sila ang nakaumol kanimo.

B. Critical Choices/Mga Matukiong Pagpili – Mga matang sa pagpili nga nakaumol usab sa imong kinabuhi sa kasamtangan. Sila nakatudlo kanimo kun nganong naingon ini ka karon sa imong kinabuhi. Ug ikaw usab sa laing bahin ang nakaamgo nga naunsa ka man human sa maong pagpili.

C. Pivotal People/Mga tawong nipataliwala – Mao kini ang mga tawo o mga significant others nga naka-umol kanimo sa paagi nga positibo o negatibo. Sila tingali ang imong mga ginikanan, uyoan, iyaan, silingan, apohan, ug uban pa. Gikinahanglang imong hinumdoman kun sa unsang paagi sila naka-impluwensiya sa imong kinabuhi.

Sa sulod sa imong kahiladman (Internal) – Ang usa ka tawo ang motan-aw sa iyang kaugalingon pinasikad ning maong sukaranan. Kini mao ang iyang pag-ila nga bisan pa man sa mga tawo nga nagpalibot kaniya o sa mga panghitabo maayo o dautan, padayon gihapon niyang makita ang iyang kaugalingon ingon nga bililhon ug kining maong bili wala magasukad sa panggawas nga pwersa. Ang mga tawo kang kansang panlantaw nagasukad ning maong prinsipyo ang adunay himsog nga panlantaw sa ilang kaugalingon.