Padayon ang kaso batok sa kanhi Presidente sa France !

Gipadayon paghusay ang kaso ni kanhi presidente sa France, si Jacques Chirac, kinsa sa iyang panahon, giisip nga usa sa labing popular nga head of state sa tibuok kalibutan. Usa sa duha ka kaso, nagsukad pa sa mga tuig 1977 hangtud 1995 sa mayor pa siya sa Paris. Corruption, actually ang mga kaso batok kaniya.

Atong makita dinhi nga corruption gayud ang sagad nga mapasaka nga kaso batok sa mga kanhi heads of states. Sa ato pa, ang corruption dili monopoly sa atong nasud. Corruption is everywhere. Ang diperensiya lang kay dinhi sa ato, despite sa paghitak sa corruption, mora mag lisud pag-prosecute. Ngano man?

* * *

Sa America karon, ang mga health authorities mipagawas og warning batok sa subrang pag-inom sa mga energy drinks. Matud nila, ang subrang caffeine content niining maong imnonon nga nakapalagsik kono sa lawas, makadaot ilabina sa mga teenager ug kabataan.

Gisugyot nga sama kono sa sigarilyo ug alcohol, i-regulate usab ang pagbaligya ug pag-inom sa mga energy drinks.

“We would discourage the routine use of these energy drinks especially among children,” nagkanayon si Dr. Steven Lipshults, pediatric Chairman sa University of Miami Medical School.

Ang report nagkanayon nga “energy drinks often contain ingredients that can enhance the jittery effects of caffeine or that can have other side effects, including nausea and diarrhea.” 

So, there you are!

* * *

Ang Energy Development Corporation, migahin og P14.475 billion alang sa wind energy project sa Burgos, Ilocos Norte. Sa ato pa, energy gikan sa hangin. Nindot ni kay daghan kaayo kita’g hangin dinhi sa atong nasud.

Kun molampus kining maong proyekto, aduna kini capacity nga 86 megawats matag tuig. Ug matud pa, aduna pay laing lima ka similar projects ang naghuwat sa approval sa Securities & Exchange Commission.

Ang mga dapit nga adunay daghang hangin, mao ang Batanes, Babuyan Island, Ilocos Norte, Mindoro. Samar, Leyte, Panay, Negros, Cebu, ug Palawan. Sa kadugay na sa Pilipinas, ambut nganong karon pa kahunahuna ang gobyerno ini.

Sa ato nang gibalikbalik dinhi, abunda ug tabunok ang atong natural resources. Naghuwat lang nga i-tap sa gobyerno. Unta, mga kaugmaran sama niini, mao untay hatagan og priority sa atong gobyerno. It seems nga busy ang atong gobyerno in something else.